Archivo de la categoría: Actuacións

Actuacións

Festa do Demo

Como preludio ás grandes festas da Peregrina, comeza este xoves 23 de agosto a Festa do Demo. Esta personificación do mal percorre dende tempos xa esquecidos o centro histórico de Pontevedra facendo trasnadas de seu. Rematará tal escenificación na praza de Teucro onde dará comezo ás 21.30 unha verbena, ambientada na década dos anos cincuenta, a cargo dos nosos amigos CHICHISOS e do grupo de música ALVARIZA.

 

Homenaxe a Anxel Casal

Dentro dos diferentes actos programados polo concello de Teo para homenaxear a persoa de Anxel Casal participará o grupo «ALVARIZA«, concretamente o domingo 19 de agosto, ás 20.30 na praza da Estivada da Ribeira (Montouto-Cacheiras) poñendo a música na ofrenda floral diante do monólito dedicado a Anxel Casal e ás vítimas da infamia en calquera tempo e lugar.

 

Eu Xaquín Teo

Memorias dun baileEu Xaquín, Xaquín Teo, un vello da aldea que chegou a ver mundo…

As asociacións culturais A Regionalista e Rosalía de Castro, ambas as dúas de Teo, representan o vindeiro 10 de xuño ás 19 h. no Auditorio da Ramallosa-Teo unha escenificación na que me vexo involucrado e son partícipe: «A vida de Xaquín Teo. Memorias dun baile».

A través da miña vida faremos unha viaxe pola Galiza do século XX, pasando por momentos dramáticos como a Guerra Civil, onde me feriron, ou a forzosa emigración. Experiencia reais de varios testemuños agrupados entorno á miña persoa.

Calquera de nós que tivese a sorte de poder escoitar os nosos maiores saberá do que estou a falar, pois saber do noso pasado axudaramos a frontar o futuro.

convidados estades !!!

a Regionalista organiza «Fuliada en Teo»

Fuliada en Teo

Ben esta idea fráguase na necesidade que temos os grupos e asociacións, en concreto as teenses, de establecer un contacto ameno e esperamos que fructífero entre as diversas asociacións do concello co motivo de tocar e bailar, pasalo ben nun acto social-lúdico informal.
Con esta xuntanza «fuliada» o que se pretende é por un lado presentar un evento organizado, cunha orde lóxica e necesaria para poder levar a cabo esta actividade e por outro buscar o contacto entre as diferentes entidades (mozos/as ) que se animen á devandita fuliada. Aínda que é pouca a distancia que hai entre os diferentes centros son escasos os contactos que mantemos dun modo informal e sen prexuízos polo que cremos firmemente que esta fuliada unirá máis a xente que defendemos as nosa tradicións.
Neste sentido podemos dicir que o concello de Teo é privilexiado, xa que conta cun gran número de agrupacións a prol do folklore, non hai máis que mirar o cartel, sen contar outras que non poden estar, xa que son datas propias de actuacións.
A idea da Regionalista é repetir a fuliada, dado que son moitas as mostras de interese e apoio que nos manifestaron as asociacións compañeiras.
Agradecer a colaboración do Concello e de todas as entidades que participan neste evento.

Actuación de Alvariza no VII Mangelo Folk

Descarga do Cartel_Manguelo_Folk

Temos cita este ano no Manguelo Folk o día 22 de maio en Orazo, no concello da Estrada.

A partir das 11 da mañan, as charangas BB+ e Antaruxan percorerán os distintos lugares da parroquia.

A partir das seis da tarde seguirán as actuacións dos grupos:

XUNTANZA DOS REGATOS

LILAILA

A CARBALLEIRA DE CERCIO

PETER PUNK

Ó SON DA FERVENZA

CANTIGAS DA TERRA

TRIOLIRO REGUEIFEIROS

CÉ ORQUESTRA PANTASMA ( HOME ORQUESTRA)

Xa metidos na noite se fará entrega dos premios do concurso de debuxo e seguirá a musica da man de

XUNTANZA DOS REGATOS

REQUINTA DA LAXEIRA

ALVARIZA

KORRONTZI

OS TRES TREBÓNS



Para mais informacion podedes dirigirvos a páxina web da Asociación SocioCultural Cotomangelo:

http://www.cotomanguelo.aestrada.com/

Alí estaremos esperandovos…

Seráns na Casa

alvariza

Dende fai uns anos vense celebrando con gran éxito os “seráns da nasa” que son a máxima expresión viva do noso folklore. Conservado gracias os numerosos xóvenes que alí se dan cita, o igual que os grupos musicais que acuden, de todo o pais , para participar nestes seráns.

Neste último serán da temporada presenta ALVARIZA a súa nova formación de “ORQUESTINA.” Estes grupos musicais situanse na transición entre as bandas de música e as orquesta modernas. Presentan unha moi rica instrumentación, como: clarinetes, saxo, acordeón, frauta, gaita, caixa e bombo con pratiños, co que mesturan os ritmos máis tradicionais cos máis recentes e modernos.

Para esta ocasión a ORQUESTINA DE ALVARIZA decantarase polos ritmos propios para bailar o solto, muiñeiras e xotas, manifestando asi unha fonda preocupación pola música de raiz que veñen investigando dende hai 15 anos , baixo a responsabilidade da A. C. A REGIONALISTA .

Xunto con ALVARIZA, o vindeiro 29 de abril do 2009, estarán apartires das 21:30 os seus compañeiros e veciños de Teo, “ FARGALLOS” encargados de iniciar o serán e logo “ A MAMOA” Luou- Teo e para rematar e pechar este serán “ OS REPUBLICANOS ”